Nitondra avo ny anaran’i Madagasikara ireo Malagasy nandray anjara tamin’ny fifaninana iraisam-pirenena robotika. Nanasongadina ny fahaizana manetsika sy mibaiko robot hanao zavatra iray izy ireo.
Nitafa tamin’ny mpanao gazety tetsy amin’ny foiben’ny Telma Madagascar Andraharo, omaly, ireo tanora malagasy nandray anjara tamin’ny fifaninana mahakasika ny robotika. Fifaninana iraisam-pirenena “Pan-African Robotics Competition » (PARC) 2024. Notanterahina tany Sénégal, ny 22-27 jolay lasa teo. Efa manomboka misongadina eo amin’ny sehatry ny robotika i Madagasikara. Nahazo ny laharana faharoa tamin’ny fifaninanana ireo tanora malagasy nandray anjara tamin’izany. “Zava-dehibe ary tena hifotorana ny lafiny fanabeazana sy fakana traikefa rehefa miatrika fifaninanana tahaka izao”, hoy Andrianarison Faly Christian, mpitarika ny ekipa, raha niresaka tamin’ny mpanao gazety. « Anjara andraikitray tamin’ny sehatry ny robotika ny fanomanana sy fibaikoana ny zavatra tokony hataon’io robot io. Asan’ny robot ny mandeha sy miala amin’ny sakana rehetra eny an-tanimboly », hoy hatrany izy. Nanomboka ny volana mey izy ireo no nanomana ny “programmation” rehetra. Nanetsehana, nibaikoana sy ny fialan’ilay robot ny sakana rehetra amin’ny alalan’ny fampiasana solosaina. Notakiana tamin’izy ireo ny famoronana robot mandrindra ny fomba fambolena sy nahafahana mikajy ny vokatra.
Lohahevitra tamin’ny fifaninana ny hoe: “the future is now” na ny “anio ny hoavy”. Mbola mpianatra avokoa izy dimy mirahalahy nandrafitra ny ekipa “team Robotiako”. Ezaka hotratrarin’izy ireo ny hampihatra eto an-toerana ny traikefa rehetra azo nandritra ny fifaninana natao tany ivelany.
Mino
French