Mihena iray metatra ny haavon’ny rano any Andekaleka, miantoka betsaka ny herinaratra mamatsy ny tambajotra iraisan’Antananarivo (Ria). Mahatonga izany ny vanim-potoan’ny maintany, ka tsy maintsy ahena ny tosiky ny rano ahafahana mameno ny tohodrano manosika ny milina mamokatra herinaratra any Andekaleka, Mandraka ary Antelomita. Hitohy ny delestazy, noho izany, omaly nanomboka tamin’ny 1 ora tolakandro sy tamin’ny 5 ora hariva.
Mety hiakatra 25% ny « Impôt sur les revenus salariaux et assimilés (IRSA) » alaina amin’ny ampahan-karama ambony sy antenantenany raha toa ka 20% izany teo aloha. Atao izany mba hampitomboina ny vola miditra ho an’ny fanjakana malagasy hatramin’ny taona 2027 sy ahafahana misitraka ny Facilité élargie de crédit (FEC) sy ny Facilité pour la résilience et la durabilité (FRD) ao anatin’ny fifanarahana miaraka amin’ny Tahirimbola iraisam-pirenena.
Nihena 56,5% ny nikela naondrantsika, nidina ny vidiny sy ny habetsany. Nihena ihany koa ny vola azo avy amin’ny kobalta. Mahatonga izany ny famokarana mihoa-pampana maneran-tany sy ny fitomboan’ny tinady.
French