Notanana vonjimaika any am-ponja ilay lehilahy nanolana ny zanak’anabaviny tao Ambohitrandriana, kaominina Vinany, distrikan’i Mandoto, afakomaly. Nanamparan’io tsy valahara io ny filan-dratsiny ilay zaza tsy manan-tsiny vao 13 taona monja. Nandritra ny lanonam-pamadihana tao amin’ny tanànan’izy ireo, norebireben’io lehilahy io ilay zazavavy ka nararaotiny naolana. Nitaraina vokatry ny tranga nianjady taminy io zaza io. Tsikaritry ny manodidina azy rahateo ny fiovan’ny fihetsiny izay nampiahiahy. Nanao ny fikarohana ny olona voatonony anarana ny zandary. Vokany, tratra ilay anadahin-dreny nahavanon-doza. Manaraka fitsaboana ilay zaza izay nahitan’ny mpitsabo fahasimbana.
Tsiferana R.
French