Nambara tamin’ny fomba ofisialy teny By-pass, ny sabotsy lasa teo, fa handeha ho any Espagne ny sekolin’ny baolina kitra Netfoot. Hiatrika ny fifanintsanana “Mic”, izay hatao any an-toerana, ny avrily 2025 izao. Araka ny fanazavana azo teny an-toerana, ny sokajy U19, lehilahy, no handeha amin’io fotoana io. Tsy mbola ampy ny isan’ireo U19 ka hisy ny fitiliana mpilalao hafa hatao eny amin’ny kianja Pedro, ny 28 sy ny 29 aogositra ho avy izao. Tanjon’izy ireo ny hampivelatra ny ankizy any ivelany, ankoatra ny eto Madagasikara. Miantso ireo malala-tanana moa ity mpitaiza ankizy amin’ny baolina kitra ity mba hanampy azy ireo satria voninahitr’i Madagasikara no harovana. Ankoatra izay, tsara ny mampahafantatra fa anisan’ireo mandray anjara amin’ ity fifaninanana hatao any Espagne ity ireo klioba goavana any Eoropa. Toa ny Fc Barcelone, ny Real Madrid, ny Paris Saint Germain (PSG), Manchester City, Chelsea, Olympique de Marseille, FC Porto, Sporting Lisbon. Ity fifininanana ity dia efa nandraisan’ ireo mpilalao kalaza anjara, anisan’izany i Lamine Yamal, lohalaharan’i Espagne; i Lionel Messi, argentin, i Kylian Mbappé, frantsay ary Bellingham, anglisy.
Fitia Randria
French