Tratry ny fifampikasohan’ny herinaratra tao amin’ny faritry ny motera, kila tsy nisy noraisina ny taksiborosy iray mampitohy an’Ambanja sy Antananarivo, omaly atoandro tamin’ny 11 ora. Tsikaritry ny mpamily ity fiara fitateram-bahoaka ity fa nisy olana tao amin’ny motera ka nitarika ny firehetana teo amin’ny Pk 46 +500M, araka ny fanadihadiana nataon’ny mpitandro filaminana azy. Mpandeha miisa 14 niaraka navoaka tao anatin’ny fiara taloha kelin’ny fahamaizana tanteraka. Avotra avokoa izy ireo. May avokoa ny taratasy mirakitra ny mombamomba ny fiara sy ny entana sasany an’ireo mpandeha. Voafehy ny afo minitra vitsy taorian’ny nahatongavan’ny zandarimaria Andranovelona teo amin’ny toerana nitrangan’ny voina.
Tsiferana R.
French