Miditra amin’ny andiany fahatelo ny Paikady fampandrosoana eny ifotony anivon’ny kaominina, izay tafiditra anatin’ny fanohanana sy famatsiam-bola ataon’ny vahoaka amerikanina, amin’ny alalan’ny Sampandraharaha misahana ny fampandrosoana iraisam-pirenena (USAID). Ny Pnud eto Madagasikara no manatanteraka izany amin’ny tetikasa Rindra hifarana amin’ny taona 2026. Faritra dimy no hiasany, amin’ny kaominina miisa 100, fa mety hisy hihintsana an-dalana rehefa tsy mahafeno fepetra. Nisy ny fampahafatarana ny tetikasa ary nitohy tamin’ny fampiofanana ara-kajy mirindra sy fampiasana solosaina, ny volana mey lasa teo. Andiany faharoa ny fampiofanana momba ny fitantanam-bola sy fampidiram-bola ary ny fomba fandrafetana tetibolan’ny kominina, miankina amin’ny filan’ny vahoaka ao aminy.
Ho an’ny faritra Analanjirofo, natomboka ny alatsinainy lasa teo ary hifarana rahampitso, ny fampiofanana andiany fahatelo mahakasika ny fitantanana ny fitaovam-panjakana, ny fomba fividianana azy… Anisan’ny hiakaran’ny mpitantana teo aloha fitsarana ny tsy fahitana fitaovana. Nohamafisin’ny mpandrindram-paritra ny tetikasa Rindra Analanjirofo, Jean Richard, fa tanjona ny hanamafisana ny fifampitondrana eto Madagasikara.
Sajo.
French