“Tsy tokony hambanimbaniana ny fametrahana kandidà eto. Misy fisainana sy fiaraha-mientana. Tsy vitan’ny antoko politika irery ny manohana kandidà ho ben’ny Tanàna eto Antananarivo Renivohitra”. Io ny fanehoan-kevitry ny filoha nasionalin’ny RPSD eo anivon’ny Irmar, Andriantsizehena Benja Urbain, ny amin’ny fiatrehana ny fifidianana ben’ny Tanàna, Antananarivo Renivohitra. Tokony hotandremana tsara ny fifantenana sy fanolorana izay ho kandidà, hiaraha-mijery amin’ny antoko politika rehetra miaraka amin’ny fitondrana.
“Manohana ny kandidà hatolotry ny fitondrana izahay. Nefa mila jerena tsara ny hoe: iza ny olona tokony hapetraka? Amin’izay, mba tsy hisy mifanome tsiny”, hoy izy. Mila olona mahafehy ny ho ben’ny Tanàna Antananarivo Renivohitra no tokony hatolotra hotohanan’ny fitondrana amin’izany. Tsy vitan’ny lafiny teknika izay, fa eo indrindra koa ny lafiny politika. Matoa lasa ben’ny Tanàna Antananarivo Renivohitra, afa-miresaka amin’ ny antoko politika rehetra manohana ny fitondrana izany. Tsy mifanilikilika izany.
R. Nd.
French