Hisy tafa sy dinika iarahana amin’i Johary Ravaloson, ny 28 septambra 2024, eny amin’ny Intsitut Français de Madagascar (IFM) Analakely. Filazalazany sy fampahafantarany ny momba azy, indrindra amin’ny maha mpanoratra boky matihanina azy no handravaka ny fandaharam-potoana amin’io. Tanjona ny hampiroborobo ny zavakanto, indrindra ny asa soratra malagasy. Izany indrindra no nakana mpanoratra matihanina sy misehatra eo amin’ny sehatra iraisam-pirenena sahala amin’ izao. Hahazo tombony ireo mpankafy ny asa soratra nosoratan’i Johary Ravaloson, amin’ izao fandalovany eto Madagasikara izao. Hatao izany mba hitafana amin’ny Malagasy mpankafy asa soratra. Raha tsiahivina, anisan’ny boky nosoratany farany ary tena nahaliana ny maro, hatrany ampitan-dranomasina, ity boky mitondra ny lohateny «Fitiavana- Tanindrazana- Fozaorana» ity. Tantara foronina izy io. Misy ihany koa ny boky, «La porte du Sud», «Les nuits d’Antananarivo», «Vol à vifs». «Les larmes d’Ietse»….
Fotoana ahafahana mamaly ny fanontanian’ireo mpankafy, araka izany, ity fihaonana ity, indrindra mahakasika ny aingampanahin’ity mpanakanto ity, ahafahana manoratra tantara foronina sahala amin’izao.
Lin
French