Hotanterahina anio, etsy amin’ny foibe CFFamma Nanisana, manomboka amin’ny 9 ora maraina, ny lalao andrana, « Kyorougui », ho an’ireo mpikatroka taekwondo 46 mianadahy, (23 lehilahy sy 23 vehivavy), sokajy Junior. Atleta nipoitra tamin’ny herinandro voalohan’ny fifantenana ny ekipam-pirenena no manao ity fihaonana ity.
Amin’ity herinandro faharoa ity, nilaza ny Tale teknika nasionalin’ny Federasiona malagasin’ny taekwondo (FMTKD), i Dimbiheriniaina Pharlin, fa ireo mpilalao tsara isaky ny sokajy misy azy no afaka miatrika ny fampivondronana, izay hatao ny 5 hatramin’ny 25 septambra ho avy io.
Ho an’ny lehilahy, ny sokajy -45 kg, -48 kg, -51 kg, -55kg, -59 kg, -63 kg, -68kg, -73kg, -78 kg, +78kg, no hanaovana fifanintsanana. Ny -42kg, -44 kg, -46 kg, -49 kg, -52 kg, -55 kg, -59 kg, -63 kg, -68 kg ary ny +68 kg, kosa ny vehivavy. Tsiahivina fa zava-dehibe tokoa ity hetsika ity, hiatrika ny fiadiana ny ho tompondaka maneran-tany, ho an’ny sokajy Junior, lahy sy vavy, any Korea i Madagasikara, manomboka ny 1 hatramin’ny 6 oktobra ho avy izao.
Tsara ny mampahatsiahy fa miisa efatra ireo ligy nahatonga solontena tamin’ity hetsika ity. Anisan’izany ny ligin’Analamanga, Atsinanana, Matsiatra Ambony ary Vakinankaratra.
Fitia Randria
French