Hitohy etsy amin’ny kianja Malacam Antanimena, rahampitso, ny fifanintsanana hiadiana ny ho tompondakan’ny “Federal 2”, taranja rugby. Hanamarika ity andro fahefatra ity ny fifanandrinan’ny CEA Andranomanalina sy ny 3FAI Ambalavao. Fihaonana hiendrika famaranana kely ary tena andrasan’ny rehetra. Fileovana samy manana ny fahaiza-manaony ny andaniny sy ny ankilany.
Anisan’ny ekipa misongadina ary miakatra amin’ny vokatra Andranomanalina, amin’izao fotoana izao. Fandresena hatrany aloha ny azon-dry zalahy hatramin’izao. Manana mpilalao havanana sy kinga ihany koa nefa Ambalavao ary efa nahazo fandresena tamin’ity fifanintsanana ity. Hamaritra izay mety ho lohany izany io fihaonana rahampitso io. Lalao hisongadina koa ny an’ny US Ikopa sy ny FTAM Mandrangombato. Hanarina ny fahavoazany amin’ity ny FTAM, izay resy tamin’ny farany teo. Mbola ady tsy vita ihany koa ny an’ny FTAT Anosibe sy ny FTA Andavamamba. Adin’ny samy kartie io ka ho resy izay ratsy fanomanana. Hanokatra ity andro fahefatra ity ny donan’ny Asa Ambohimanarina sy ny SCB Besarety.
Tompondaka
French