TSELATRA

Nodarohan’ny olona ny reseverana taxi-be iray amin’ny zotra 172 mampitohy an’i 67 ha sy Fiada­na­manga, omaly hariva. Nolazain’ilay resevera fa eny Namontana ny farany nefa ny ankamaroan’ireo olona mody any Ando­haranofotsy. Nosintonin’ireo mpandeha nentin-katezerana izy ka tratran’ny totohondry ny vavany. Naratra mafy izy.
Hita faty teo amin’ny seranan-tsambo ao Main­tirano, omaly, ilay ankizilahy 8 taona tsy hita popoka rehefa nanaovana ombay mitady. Nitsena fianakaviana teny amin’ny seranan-tsambo izy niaraka tamin’ny ray aman-dreniny saingy mandra-pahatongan’ny sambo, nilalao niaraka tamin’ny namany izy. Tsy hita intsony anefa izy taorian’ izay ka izao hita faty izao.
Nifatratra tamin’ny andrin-jiro ny fiara nentin’ny lehilahy iray sy vehivavy roa tao Toamasina, afakomaly. Avy nisotrosotro tao amina trano fisotroana iray izy ireo ka teny an-dalana hody no nisy fifamaliana teo amin’ilay lehilahy sy vehivavy iray. Ahina ho nisy fifandraisany tamin’ izany izao loza izao. Potika tanteraka ilay fiara.