Tanterahina ny 14 septambra 2024, eny amin’ny Cercle Germano- Malagasy (CGM) Analakely, ny atrikasa sy fifaninanana “Slam poésie”. Hetsika karakarain’ny Madagaslam Section Tanà (MST), miaraka amin’ny avy eo anivon’ny CGM, izay miantsehitra amin’ny fampiroboroboana ny zavakanto tsy ankanavaka. Misokatra ho an’ny mpiangaly Slam rehetra ny hetsika, indrindra ireo vao misandratra sy maniry hiditra eo amin’ny sehatry ny matihanina. Tanjona ny hampiroboroboana hatrany ity karazana zavakanto ity ho fanabeazana sy fitaizana, indrindra ny tanora.
Ambohi-pihaonan’ny fianakaviamben’ny “Slam Malagasy” indray ny eny amin’ny CGM Analakely, rahampitso. Atrikasa no handravaka ny fandaharam-potoana ny maraina ary fifaninanana “Slam Poetry Individual Contest” (Spic) kosa ny tolakandro. Tsikaritra ihany koa ny fahalianan’ny tanora amin’ny “Slam”. Izany indrindra no nanaovana izao atrikasa maimaimpoana izao ho fanamafisana ny fahaiza-manao sy ny talentan’izy ireo ary hahatongavany eo amin’ny matihanina.
Lin
French