Fotoana hanehoan’ireo mpamokatra ny fahaiza-manaony sy ny vokatra mampiavaka azy ny FIA. Hetsika ara-toekarena manan-danja sy hanasongadinana ny fanamby ho amin’ny fampivoarana ny tsena iraisam-pirenena ho an’ny Famokarana. Hita eny
an-toerana ny vokatry ny fambolena sy ny fiompiana, ny jono ary ny vokatra voahodina vita malagasy. Maherin’ny 150 ireo tranoheva mampiranty.
Hahatratra hatrany amin’ny 12 t/ha ny voka-bary azo avy amin’ny voly vary safiotra. Tetikasa entina hampiroboroboana ny vokatra eto Madagasikara ka hahatongantsika ho sompitry ny ranomasimbe Indianina sy aty Afrika. Haparitaka manerana ny Nosy ny masomboly ary hatomboka tsy ho ela ao Morondava ny tetikasa, amina velaran-tany 2000 ha. Hampiofanina ihany koa ny tantsaha hahay hifehy ny fomba fambolena.
Manao dinika ho fanomanana ny volavolan-dalàna momba ny fitantanam-bola 2025 ny rafi-panjakana sy ny sehatra tsy miankina. Hifampidinika momba ny tolo-kevitra ny rafi-panjakana ka hijery izay tokony ho hatsaraina sy tokony hitondrana fanitsiana. Hifampiresaka ihany koa ny sehatra tsy miankina, aorian’izay vao hiverina hifanakalo hevitra ny roa tonta ka handray ny tolo-kevitra farany ho volavolan-dalàna momba ny fitantanam-bola.
French