Mikarakara fiofanana ho an’ny mpikarakara entana aondrana na hafarana avy any ivelany, tranzitera, ny fitantanana foiben’ny Fadintseranana. Tanjona ny hahafahan’ireo mpisehatra matihanina mifehy tsara kokoa ny Sydonia World mahakasika ny tsy fandoavana hetra sy haba, izay fitaovana niomerika manamora sady manafaingana ny dingana arahina.
Nanomboka anio 20 ka hatramin’ny 4 oktobra ho avy izao ny fiofanana eto Antananarivo, Antsirabe, Toamasina ary Mahajanga. Hahazo ny fanazavana ara-teknika amin’ny antsipiriany ny mpiofana. Anisan’izany ny fomba fangatahana tsy fandoavan-ketra sy ny sivana hatao. Nataon’ny ladoany
malagasy ity ezaka ity, hanamafisana ny fifampitokisana aminy sy ny mpandraharaha ara-toekarena, hanatsarana ny tontolon’ny fandraharahana eto amintsika.
Njaka A.
French