Anisan’ny nanampy betsaka ireo mpianatra sy ny ray aman-dreny tany amin’ny distrikan’i Taolagnaro, faritra Anôsy, ny hetsika ara-tsosialy nataon’ny Rio Tinto QMM. Tamin’ny alalan’ny fizarana fitaovam-pianarana.
Nifarana afakomaly ny fizarana fitaovam-pianarana nataon’ny Rio Tinto QMM, tany amin’ny distrikan’i Taolagnaro, faritra Anôsy. Nisitraka izany ireo mpianatra 11 258 ao anatin’io distrika io. Tanjon’ny hetsika ny hanatsara ny fidiran’ny ankizy any an-tsekoly sy hampihena ny tahan’ny ankizy miala an-daharana. Hanenana ny fandaniana sy ny vola mivoaka eo amin’ny ray aman-drenin’ny mpianatra ihany koa.
Natomboka ny 9 septambra teo, tany amin’ny EPP Ampasy Nahampoana, ity hetsika ara-tsosialy ity. Anisan’ny nahazo tombontsoa tamin’izany, ireo mpianatra eny anivon’ ny ankanin-jaza hatramin’ny CM2. Mpianatra avy amin’ny EPP 38, miparitaka amin’ny kaominina valo, izay manakaiky ny Rio Tinto QMM, toy ny any Ampasy Nahampoana, Mandromondromotra, Taolagnaro, Manambaro, Sarisambo, Soanierana, Iaboakoho ary Mahatalaky no niositraka izany.
Sehatra ahafahana mampandroso
“Resy lahatra izahay fa anisan’ny fitaovana iray hahafahana mankany amin’ny fampandrosoana ny fanatsarana sy fanampiana amin’ny fidiran’ny mpianatra tahaka izao”, hoy i Isabelle Wabete, Tale mpanatanteraka ao amin’ny Rio Tinto QMM. “Manantena izahay fa hitondra fiovana eo amin’ny fiarahamonina ny tetikasa tahaka izao”, hoy Rakotovelomanantsoa Voahary, governoran’ny faritra Anôsy. Nisaotra ireo rehetra nandray anjara tamin’ny fahombiazana sy fahatanterahan’ny tetikasa ihany koa izy tamin’izany.
Manodidina ny 215 000 dolara ny tetibola natokana nanaovana izao tetikasa izao. Niaraha-niasa tamin’ny faritra Anôsy, ny talem-paritry ny fanabeazam-pirenena (Dren) ary ny fari-piadidian’ny sekoly (Cisco) any Taolagnaro. Marihina fa efa nisy koa ny fandaharanasa nataon’izy ireo hamatsiana vatsim-pianarana ho an’ny tanora any amin’ity distrika ity.
Mino
French