15 mianadahy izy ireo no hiatrika ny famaranana amin’ ilay fifaninanana miantsa tononkalo, ampanaovin’ny Faribolana Sandratra. Hetsika « Andeha isika hamorona olona tahaka antsika », tafiditra ao anatin’ny fanamarihana ny faha-35 niorenany. Ahitana an’i Kiady Andrianarimalala, Fahasoavana, Tsiferana Mamisaholy, Ny Volantiana, Fimandi Marïsca, Ikala Kely, Miantsa Niaina, Diart Mikalo, Fanomezantsoa, Racl Joseclaudio, Kanto Faniry, Miaro Zo, Ramiandrisoa Daniel, Jean Pierre ary Fanomezana. Mpitsara telo avy amin’ny vondrona samihafa, samy ao anatin’ny tontolon’ny literatiora sy ny fiseharana no hitsara ny fifaninanana. Marihina fa ny 25 aogositra teo no nanatanterahina ny dingana fifanintsanana ka 28 no isan’ireo mpifaninana.
35 taona nijoroan’ny Faribolana Sandratra. Nosokafana tamin’ny fomba manetriketrika ny 11 janoary 2024, tao amin’ ny Tranombokim-pirenena Anosy tamin’ny alalan’ny lanonana sy velakevitra. Notohizina tamin’ny famoaham-boky: “Amboara voalohany” natonta fanindroany ny volana jona teo.
HaRy Razafindrakoto
French