TSELATRA

Torana tsy nahatsiaro tena ny zazakely iray nianjera avy eny ambony fandriana tao amina tokantrano iray eny Anosizato Andrefana, omaly maraina. Lasa nandeha nilahatra rano vao maraina ny reniny ka nohidiany tao an-trano ny zanany izay mbola natory. Ny zanany efa mianjera eo amin’ny tany no hitany. Nentina namonjy toeram-pitsaboana izy ka avotra soa aman-tsara.
Naratra mafy ny tanan’ny renim-pianakaviana iray nendahin’ny jiolahy tao anaty taxi-be teny Anosibe Tsena, omaly atoandro. Variana nikirakira finday izy no narahin’ny jiolahy roa nanaraka ny sisin’ny varavarankelin’ny fiara. Voasaringotra teo amin’ny fitaratra ny tanany ka naratra. Lasa ny finday teny an-tanany. Nojeren’ny olona fotsiny ireo jiolahy nisintona izany.