Fandraisana anjara amin’ny fifidianana : mbola saro-toerana ny manana fahasembanana

5 189 na 0,096% amin’ny mpifidy ny manana fahasembanana nifidy tamin’ny fifidianana depiote, mey 2024. Izay no voalazan’ny Ceni, notate­rin’ny Safidy tamin’ny atrikasa fampandraisana anjara ny manana fahasembanana amin’ny fifidianana, teny Am­batonakanga, omaly. Namba­ran’ny tomponandraikitry ny fanentanana sy fampandrai­sana anjara ny manana fahasembanana amin’ny fifidia­nana, Razafindrakoto Falihery, fa mbola maro ny sakana. Tsy misy, ohatra, ny lalàna hoe tsy maintsy soratana amin’ny lisi-pifidianana. Tsy misy antontam-baovao momba azy ireo. Tsy fantatra ny isa amin’ny lisi-pifidianana. Amin’ny fanda­tsaham-bato vao hita, nefa tsy hita maso ny 80 % amin’ny fahasembanana. 20% amin’ny petadrindrina amin’ny fifidianana no tsy azon’ny manana fahasembanana idirana: avo loatra, kely ny soratra… Nefa mandray anjara amin’ny zotram-pifidianana ny manana fahasembanana: 4% mpikamban’ ny biraom-pifidianana, taona 2023; 2,3% no delege amin’ny biraom-pifidianana; 7% mpikamban’ny Vaomiera ifotony misahana ny fanisana mpifidy (CLRE); 0,6% delegena kan­didà…

R. Nd.