Nitrangana haintrano tao Ampasina Maningory, omaly tolakandro. Trano miisa fito kilan’ny afo. Trano telo no niandohan’ny firehetana. Nifanome tanana namonjy ny manodidina ary namono io afo io ny mponina ao an-toerana. Niredareda anefa ny afo. Nihitatra tamin’ny trano manodidina. Nanangona rano tamin’ny zerikanina, samy nanao izay ho afany nifehezana ny afo ny fokonolona. Naharitra am-polony minitra ny fifehezana ny afo. Tsy nisy aina nafoy. Marihina, nitrangana haintrano mahatsiravina nahamay tanàna tao Toamasina vao andro vitsy lasa. Ady teo amin’ny mpivady no niteraka ny firehetana tamin’io fotoana io. Nikasa hanondraka menaka mamay an’ilay lehilahy vadiny ramatoa kinanjo nifatratra tamin’ny moto izany. Niredareda ny afo ka kila forehitra ny trano manodidina. Manoloana ity tranga niseho tao Fenoarivo Atsinanana ity kosa, mandray an-tanana ny fanadihadiana ny mpitandro filaminana.
Tsiferana R.
French