TSELATRA

Olona roa naratra mafy vokatry ny lozam-pifamoivoizana, teny Ambodiafontsy, anatin’ny lalam-pire­nena voalohany, omaly. Voadonan’ny fiara sprinter iray ny moto hivily lalana. Nipitika ireo olona roa nitaingina ilay kodiarandroa.
Naiditra vonjimaika any am-ponja, omaly, ilay lehilahy mamo nitora-bato taksiborosy teny Ambatolampy. Tsy nisy naratra ireo mpandeha tamin’io fotoana io. Simba ny fitaratry ny fiara.
Ankizilahy 4 taona maty voafaokan’ny fiara tsy mataho-dalana tao Antsiafabositra, Maevatanana, afakomaly. Nandeha mafy ny fiara. Voa mafy ilay ankizilahy ka namoy ny ainy. Miroso amin’ny fanadihadiana ny mpitandro filaminana.
Vehivavy bevohoka fito volana naratra mafy
notsatohan’ny havam-badiny antsy, tao Tsararivotra, distrikan’i Manakara, ny talata 02 oktobra teo. Ahina ho afa-jaza izy noho ny fahaverezan-dra be loatra.