Voasambotry ny zandary miasa ao amin’ny fokontany Iorimbato, kaominina ambanivohitr’i Beravina, distrikan’i Morafenobe, ny sabotsy teo, ny dahalo raindahiny, tompon’antoka tamin’ny vonoan’olona feno habibiana. Renim-pianakaviana iray niaraka tamin’ny zanany vao menavava no maty novonoin’ity malaso ity, ny faran’ny septambra teo. Tamin’ny fotoana nitondrana azy no nitaraina ho narary kibo ity dahalo ity ka nangataka hivoaka tamin’ny zandary rehefa nahavita 3km miala ny tanànan’Iorimbato. Nirifatra nandositra tampoka anefa izy ka latsaka tany anaty hantsana. Vokany, nitifitra ireo zandary ka lavo nandritra izany ity malaso ity. Nialana nenina ihany izy saingy tsy avotra intsony ny ainy. Tao anatin’ny famotorana no nahafantarana fa anisan’ireo dahalo raindahiny amin’ny fanafihana ity lavon’ny zandary ity. Maro ny fanafihana narahina vonoan’olona efa vitany tao anatin’ny distrikan’i Morafenobe.
J.C
French