Efatra lahy samy tsy mianatra intsony nitora-bato ny mpianatra tao amin’ny Lisea Tsiaraso, fokontany Ambatomenavava, kaominina Ambanja , omaly maraina. Nandritra ny fotoam-pianaran’ny mpianatra, nitondra vato avokoa ireo andian-tovolahy ireo. Nitora-bato ny mpianatra. Nisavorovoro vokatr’io ireo mpianatra rehetra teo anivon’ny lisea, araka ny fanazavana voaray avy any an-toerana. Nandositra avokoa ireo zazalahy ireo rehefa hisambotra azy ny tomponandraikitra tao amin’ny lisea. Raikitra ny fifanenjehana. Nitsoaka niditra anatin’ny alan’ny kakao izy ireo. Miverina amin’ny laonina ny fampianarana. Tsy nisy naratra tamin’ireo mpianatra nandritra ny tranga. Atao andrimaso ny manodidina ny faritry ny toeram-pianarana ary efa nisy tamin’ireo mpanakorotana no voasambotra.
Tsiferana R.
French