TSELATRA

Lasan’ireo mpanao mena mahazo ny vola 4 hetsy Ar an’ny tovolahy iray nikasa haka entana teny Anosibe Tsena, omaly. Mody norebireben’ireo andian-jatovo mpanao izany izy ka roboka saika hampitombo vola, kanjo lasa ny vola rehetra.
Tovovavy iray matin’ny lozam-pifamoivoizana teo Analamahitsy, omaly maraina. Nandeha moto izy. Nandeha mafy ny mpitondra moto kinanjo nijanona tampoka ny fiara teo alohany. Nipitika ilay ankizivavy avy ao amin’ny seza aoriana. Voahitsaky ny fiara iray hafa ny lohany. Nandriaka ny ra. Nentina namonjy hopitaly ny lasibatra saingy tsy tana ny ainy. Notanana ny mpitondra ilay moto sy ny fiara nandona.
Zazalahy 12 taona may vokatry ny fisotroana lasan­tsy tao Beteravola, Fianarantsoa, omaly. Nataon’io zaza­lahy io am-bava ny lasantsy ary nisy niraraka tamin’ny vatany. Nampirehetiny ny fandrehatra teny aminy. May ny vatany sy ny faritry ny vavany. Nitsambikina ivelan’ny varavarankely ireo mpianatra namany sasany. Tsy nisy namoy ny ainy.
Naiditra vonjimaika am-ponja, omaly, ireo mpamily roa lahy nitondra fiara namoizana ain’olona teny Tsarasaotra, ny alin’ny alarobia 16 oktobra teo. Mpitondra ilay fiara starex ny iray raha toa ka mpamilin’ilay kamiao kosa ny iray.