Sombim-baovao

Nanainga ny sabotsy teo, hihazo an’i Abidjan Côte d’Ivoire, ireo delegasiona malagasy hiatrika ny “Fiba Africa Regional Youth Camp 2024”. Marihina fa ity hetsika lehibe ity dia hotontosaina ny 21 hatramin’ny 24 oktobra ho avy izao. Ry Tiffany sy Tantely ary ny Coach Felana no mandrafitra ny delegasiona.
Niala tetsy Ivato, omaly, handeha hamonjy ny fifanintsanana “Cosafa Afrika”, atsy Afrika Atsimo ny ekipam-pirenena Barea de Madagascar, vehivavy. Tsiahivina fa mpilalao miisa 23 no mandrafitra ny delegasionina ka ny enina amin’izy ireo mpilaravinahitra avokoa. Ao amin’ny vondrona “B” no misy an’i Madagasikara, ka hifandimby hihaona amin’izy ireo i Botswana, Maurice ary i Malawi.
Nisongadina tanteraka ny ekipan’ny Bayern Munchen Allemagne, omaly, tao amin’ny Kianja Allianz Arena. Nomontsanin’izy ireo tamin’ny isa 4 no ho 0 ny Stuttgart, nandritra ny andro fahafito fiadiana ny ho tompondakan’i Allemagne “Bundes Liga”.