Mitohy hatramin’ny 30 oktobra 2024 ny hetsika « Mode éthique et durable », andiany faharoa, eny amin’ny Institut français de Madagascar (IFM) Analakely. Hetsika izay tetikasa miteraka vokatsoa eo amin’ny sehatra maro. Anisan’ny mahazo tombony amin’izany ny eo amin’ny sehatry ny indostrian’ny zavakanto sy ny famoronana. Eo ihany koa ny fampandrosoana lovain-jafy. Amin’ity andiany faharoa ity, miisa 12 ireo tafita amin’ny dingan’ny famaranana. Tanjon’ny hetsika ny hanome lanja ny talenta vaovao eo amin’ny sehatry ny lamaody sy ny famoronana.
Hifantoka kokoa eo amin’ ny tontolon’ny tefibika sy ny kojakojan-damaody ny « Mode éthique et durable » amin’ity andiany faharoa ity. Ao anatin’ izany no hanosehana ny mpifaninana hiroso any amin’ny sehatry ny fandraharahana eo amin’ireo sehatra ireo. Marihina fa efa misitraka fampiofanana mahakasika ireo mpifaninana miisa 12 tafita amin’ny dingan’ny famaranana. Ankoatra ny fahaiza-mamorina. Anisan’ny andrasana amin’ ireo mpandray anjara ihany koa ny fandraisan’andraikitry ny famoronany eo amin’ny sehatry ny ekolojia. Eo ihany koa ny fahaiza-manaony amin’ ny tontolon’ny fandraharahana, ny fananana fanararaotra eo amin’ny tontolon’ny matihanina, ny fifandraisany amin’ireo mpanakanto, vahiny sy avy eto an-toerana, ary ny fanamafisany ny toeran’ny lamaody sy tefibika eo amin’ny sehatry ny indostrian’ny zavakanto sy ny famoronana.
Lin
French