Razana miisa telo vao nalevina tsy ela no hany sisa tsy nosavoritahan’ny jiolahy tao Bemananony, fokontany Ampangabe, kaominina Ambalavao, distrikan’Antananarivo Atsimondrano, afakomaly. Olon-tsotra handeha ho any an-tsaha vao maraina no nahatsikaritra fasana nisokatra. Taitra, nampandre ny manodidina izy. Nojerena ny fasana kinanjo efa niparitaka avokoa ny razana. Nozahan’ny mponina koa ny fasana manodidina. Vokany, fasana miisa efatra novakian’ny jiolahy. Nakorontan’ireto farany avokoa ny razana rehetra tao anatin’ireo fasana voalaza ireo. Velon-taraina manoloana ity trangana vaky fasana miseholany ity ny mponina anatin’ny distrikan’Atsimondrano. Ankoatra ny vaky fasana, miseholany koa ny hala-boty.
Tsiferana R.
French