Fiparitahan’ny zava-mahadomelina : hanampy ny polisim-pirenena ny Amerikanina

Tontosa ny 25 oktobra 2024, teny amin’ny foibem-pibaikoan’ny polisim-pirenena Anosy, ny dinika momba ny ady amin’ny fiparitahan’ny zava-mahadomelina eto Madagasikara.

Nandray anjara tamin’izany ny polisim-pirenena malagasy sy ny zandarimariam-pirenena. Dinika niarahana tamin’ny ambasady Ameri­kanina, tamin’ny alalan’ny International Narcotics and Law enforcement, notarihan’i Brian Morales. Nitarika ny delegasiona ho an’ny minisiteran’ny Filaminam-bahoaka ny talen’ny kabinetra, ny commissaire divisionnaire de police, Razaka Andriamahasoa, no­tronin’ny Jly Ravoavy Zafi­sambatra avy ao amin’ny zandarimariam-pirenena. Natao ity dinika ity mba hanatsarana ny fomba fiasa momba ny ady amin’ny fiparitahan’ny zava-mahadomelina eto Mada­gasikara. Nisy koa ny fifampizarana traikefa eo amin’ny Amerikanina sy ny mpitandro filaminana mba hahafahana mitady vahaolana hatrany amin’izao ady amin’ny zava-mahadomelina izao.

J.C