Niakatra fampanoavana, naiditra vonjimaika any am-ponja, avokoa ireo telo lahy nahatrarana taolam-paty mitotaly valo gony tao Analamarina, distrikan’Andilamena, afakomaly. Naharay loharanom-baovao avy tamina tsara sitrapo ny mpitandro filaminana fa misy telo lahy mampiahiahy ny manodidina ao an-toerana. Nidina ifotony ny zandary miasa ao Andilamena, nahatrarana taolam-paty nifatratra tamina gony teny amin’ireo olona voatondro ireo. Niaiky heloka ireto voasambotra fa azy ireo tokoa ireto entana tra-tehaka ireto. Tsy fantatra mazava ny anton’ny hitahirizany izany. Ankoatra io, mitohy ny fikarohana ataon’ny zandarimaria momba ireo mpiray tsikombakomba amin’izy telo lahy. Nogiazana avokoa ireo taolam-paty tratra. Misokatra ny fanadihadiana lalina. Marihina fa vao nitrangana vaky fasana teny amin’ny distrikan’ Atsimondrano, roa herinandro lasa. Fasana telo no nasesin’ ireo tsy mataho-tody novakiana ka lasa avokoa ny ankamaroan’ny taolam-balo.
Tsiferana R.
French