Tontosa araka ny tokony ho izy ny “Critérium National”, teo anivon’ny Fihezama (Fitaizana ny herin’ny zatovo malagasy), izay natao teny amin’ny Kianja mitafo Andralanitra, ny zoma 1 novambra teo. Nambaran’ny filohan’ny Fihezama, Rakotovao Jacky Raymond, fa fahombiazana tanteraka iny hetsika iny, izay nahitana fandraisan’anjaran’ny mpikatroka 1200. Taranja haiady isan-karazany sy taranja iraisana toy ny basikety no naseho sy nifaninanana, ka notoloran’ny Fihezama fankasitrahana sy mari-pahatsiarovana ireo nandray anjara. Hotohizana ny hetsika toy izao ho famerenana indray ny firaisankinan’ny mpanao fanatanjahantena ary indrindra hanairana ireo taranja matoritory. Nanohana ny “Critérium National” ny minisiteran’ny Tanora sy ny fanatanjahantena, izay nisoloan’ny DSSD (Directeur sport-santé et développement) eo anovon’ny MJS, Rajohanesa Brice Harinirina, tena. Nambarany fa rehefa misy ny finiavana hampandroso ny tanora sy ny fanatanjahantena toy izao dia manohana foana ny minisitera.
Mi.Raz
French