Nanainga, ny talata alina nihazo an’i Moscou Russie, ny Malagasy mpikatroka ny taranja Karaté, Rajaonarison Christian Finoana. Hiatrika ny “Championnat Karate International”, eo amin’ny kumite sokajy latsaky ny 60kg izy. Fifaninanana izay hotontosaina ny 8 hatramin’ny 10 novambra izao. Tsy mandeha irery i Finoana fa tarihin’ny mpanazatra azy, Rantsoramanana Tanjona. Tsiahivina fa mpikatroka avy eo anivon’ny klioban’ny Akka Avaradrano, Rajaonarison Christian Finoana, ary manana ny maha izy azy eto Madagasikara sy eto Afrika. Efa nahazo ny tompondakan’i Afrika Atsinanana izy ary efa tompondakan’i Madagasikara sy voalohany tamin’ny fiadiana ny amboaran’ny filoha, ny taona 2023. Marihana fa efa nisy ny fiaraha-miasa teo amin’i Russie sy ny klioban’ny Akka Avaradrano ary izao nahafahan’izy ireo nandefa mpikatroka hifaninana any Russie izao. Klioba anisan’ny sangany eto Madagasikara ny klioban’ny Akka ary manana mpikatroka kalaza maro. Efa betsaka ihany koa ireo mpikatroka no lasa mpampianatra sy mpanazatra nivoaka tao amin’ity klioba ity.
Mi.Raz
French