Maharitra 100 andro ny fe-potoana fambolena vary an-tanety any amin’ny faritra Androy sy Atsimo Andrefana, raha 90 andro ny katsaka. Mandritra ny 150 andro kosa ny vary an-tanety ho an’Alaotra Mangoro, Analamanga, Bongolava, Itasy, Vakinankaratra, Amoron’i Mania, Matsiatra Ambony ary Ihorombe, raha 120 andro ny fambolena katsaka. Marihina fa miankina amin’ny rotsakorana miampy ny hafanana no mampitombo azy ireo.
Mihena hatrany ny vokatra aondran’i Madagasikara mankany ivelany nandritra ny taona 2024. Miteraka fatiantoka goavana eo amin’ny tsena izany. Nihena -4,1% amin’ny harinkarena faobe ny fatiantoka ara-barotra nandritra ny telo volana faharoan’ny taona raha oharina tamin’ny taon-dasa, izay -2,3%. Mitotongana ny tinady eo amin’ny sehatra iraisam-pirenena sy ny olana ara-toekarena maneran-tany.
Mahatratra 9 000 taonina ny vokatra kabaro ao amin’ny faritra Menabe. Niakatra izany vokatra izany raha oharina ny tamin’ny taon-dasa izay 7 000 taonina. Tsara ny rotsakorana nialoha ny fotoam-pambolena ka nety tamin’ny famokarana. Mitotaly 5 000ha ny velaran-tany hambolena ny vokatra, izay mbola azo hitarina amin’ny faritra hafa. Maniry ny hisian’ny fifanarahana ara-barotra ireo mpamokatra hampiroboroboana ny seha-pihariana.
French