Hatramin’ny taona 2019, nahavita sidina maherin’ny 6 000, nandrakotra 550 000 km ireo drône mpanatitra fanafody any ambanivohitra sy any amin’ireo toerana saro-dalana.
Nahafahana nitondra kojakoja ara-pahasalamana fototra milanja 10,100 kg manerana ny distrika 21 sy faritra 5 izany.
Ireo fitaterana natao ireo dia nahafahana nanome vaksiny ho an’ny zaza sy ankizy miisa 913 000 ary vaksiny Covid-19 mihoatra ny 53 000 ho an’ireo vondrom-piarahamonina nila izany. Maneho ny herin’ny haitao vaovao sy ny fiaraha-miasa hamonjena aina ny zava-bita.
Nitsidika ny orinasa mpanamboatra drône AAerial Metric ny lefitry ny mpandrindra ny USAID, Maria Price Detherage. Nankasitraka ny vokatsoa nentin’ny USAID tamin’ny fanohanany ny tetikasa drône.
Manavotra aina marobe ny fanafody sy vaksiny ary ny kojakoja ara-pahasalamana novatsian’ny drône amin’ireo toerana hanaovana ny asa. Manamora ny fitantanana ny fanafody ihany koa ny fampiasana azy. Mampihena ny fivezivezena mandany fotoana ihany koa ny fisian’io fitaovana afaka mamatsy fanafody io.
Tatiana A
French