Lavon’ny tifitry ny mpitandro filaminana ny roa lahy amin’ ireo mpangalatra omby tao amin’ny fokontany Antelopolo, kaominina Anahidrano, ny 13 novambra teo. Nandroba tao amin’io fokontany io, nentin’ireo olon-dratsy ny omby miisa dimy. Nanara-dia avy hatrany ny fokonolona ary niambina ny kizo ahina handosiran’ireo mpandroba ny zandarimaria ao amin’ny tobim-paritra Anahidrano. Tra-tehaka ny roa lahy tamin’ireo mpampihorohoro vahoaka. Nentin’ny fokonolona hanoro ny toerana misy ny namany ireo voasambotra. Nanararaotra nanohitra ny vatan-dehilahy nitondra azy anefa ireo mpangalatra omby. Nidaroka ny iray tamin’ireo dahalo. Niara-nandositra izy roa lahy. Nampitandrina am-bava mba hijanonan’ireo mpangalatra ireo, araka izany, ny zandary. Nanao tongotra an-katoka, voatifitra avy aoriana ireo dahalo ka niara-maty. Manentana ny mponina ao an-toerana ho sahy hitoroka ireo olon-dratsy eny anivon’ny kaominina misy azy ireo ao amin’ny faritra Sofia, ny kaomandin’ny vondron-tobim-pileovana ao an-toerana.
Tsiferana R.
French