Moto iray nitondra olona roa no nifandona tamina taxi-be iray mampitohy an’Anosy sy Imerintsiatosika. Nampivarahantsona ny zava-nisy teny an-toerana. Satria, maty tsy tra-drano ny lehilahy iray nitondra ilay moto raha nipitika mihitsy ny tongotr’ilay tovovavy sakaizany nipetraka tao aoriany. Voalazan’ ireo olona nanatri-maso ny fitrangan’ny loza teny an-toerana, nandeha mafy izy roa nandeha moto, nifanehatra tampoka tamin’ilay taxi-be ka tsy afa-niala intsony. Tafapitika niainga avy eny ambonin’ilay kodiaran-droa izy roa. Nipitika lavitra ny toerana nianjerany ireto mpifankatia ireto. Niala mihitsy koa ny tongotr’ilay tovovavy, raha maty teo akaikin’ilay moto kosa ilay tovolahy sakaizany. Nifatratra tany amin’ny rindrin-tany amin’ny sisin-dalana ilay taxi-be sy ny moto an’izy roa niharam-boina.Voalaza fa mbola nahatsiaro tena ihany ilay tovovavy io na dia nipitika aza ny tongony. Voalazan’ireo olona teny an-toerana fa nentina namonjy toeram-pitsaboana ihany izy, saingy efa natahorana ny ainy.
J.C
French