TSELATRA

Naratra mafy vokatry ny daroka nataon’ny jiolahy ny vehivavy iray handeha hivavaka vao maraina teny Tanjombato, omaly. Lasan’ireo jiolahy ny finday niaraka tamin’ny vola saika hatao rakitra. Nitondra antsy ireo olon-dratsy ka voatsatok’antsy teo amin’ny tanan’ilay niharam-boina.
Lasan’ny jiolahy ny poketra an’ny renim-pianakaviana iray nendahin’ny jiolahy teo Anosy, omaly tolakandro. Nandeha taxi-moto hody eny Anosizato Andrefana izy no voaedaka teny am-pandehanana.