Ahina ho novonoina, lehilahy hita faty tao anaty rano tao Mangavato, fokontany Ambohitrakely, kaominina Mahatsinjo Atsimo, ny 16 novambra teo. Natsingevan’ny rano, hitan’ny iray amin’ny mponina ao an-toerana io fatin’olona io. Nampandre ny zandarimaria avy hatrany ny ben’ny Tanàna. Nakarina an-tanety ilay vatana mangatsiaka ka voamarina fa notriarina tamin’ny zava-maranitra, toy ny antsy, ny vatan’io olona io. Ahina ho efa nariana andro vitsy mialoha ny nahitana ny fatiny no namonoan’ny olon-dratsy azy. Mponina avy ao amin’ny fokontany Amboniandrefana, anatin’io kaominina io ihany, ity hita faty ity. Misokatra ny fanadihadiana.
Tsiferana R.
French