TSELATRA

Nitrangana firehetana tanety teny amin’ny manodidina ny seranam-piaramanidina iraisam-pirenena Ivato, omaly tolakandro. Tsy fantatra ny niandohan’ny firehetana fa ny afo efa nijoalajoala no nahataitra ny manodidina. Voa­tery niato mihitsy aloha ny sidina noho ny fifehezana ny afo. Niverina tamin’ny laoniny ihany anefa izany. Mandeha ny famotoran’ny zandary.
Tafakatra dimy ny isan’ireo jiolahy voasambotry ny zandary tamin’ilay raharaha halatra simenitra tao amina orinasa iray mpanamboatra lalana RN7. Nandritra ny fisavana nataon’ny zandary no nahatrarana mpiasa nibata simenitra tao Sarimasina Behenjy, omaly. Avoakan’ireo mpiasa manao asan-jiolahy ireo simenitra hanaovana iny lalam-pirenena fahafito ity.