Tsy hita nanomboka ny alatsinainy teo, ny renim-pianakaviana sy ny zanany vao herintaona. Hita faty natsingevan’ny honahona tao Ifarihy, kaominina Andoharanofotsy, omaly, tamin’ny 4 ora tolakandro ireto mpianaka ireto. Handeha hanasa lamba no nialany, izay nitondra ny zanany tamin’io andron’ny alatsinainy 18 novambra io. Talanjona ny fianakaviany satria tsy nody an-trano intsony izy mianaka taorian’ izay. Niezaka nikaroka azy ny havany akaiky fa tsy nahitam-bokany izany. Nanao fampilazana ombay mitady teny amin’ ny manodidina izy ireo. Mpandalo no nahatsikaritra fatin’olona natsikafon’ny rano. Niantso ny tomponandraikitry ny fokontany io nanatri-maso io. Nidina teny an-toerana nijery ny zava-misy ny fianakavian’ilay ramatoa kanjo voamarina tokoa fa ilay havan’izy ireo sy ny zanany io hita faty io. Ahina ho nisolifatra ka latsaka tao anatin’ny lavaka biriky izy mianaka ary nitarika izao fahafatesany izao.
Tsiferana R.
French