Tontosa omaly, tetsy amin’ny efitranon’ny Mining Business Centre Ivato, ny lanonam- panjakana manan-danja eo amin’ ny lafiny fampianarana ambony sy fikarohana ara-tsiansa. Nisy ny famoahana ny andiany Tafika (Tandroviko ny fitsaboana, koloiko ny aina) avy ao amin’ny Fakiolten’ny fianarana ho mpitsabo. Teny filamatra nosafidin’izy ireo ny Tafika. Tany amboalohany, nahatratra 2 000 ireo mpianatra voaray tao amin’ ny taona voalohany, tao amin’ ny Oniversiten’Antananarivo, lalam-piofanana fitsaboana.
Nihena an-dalana izany ny taona faharoa sy fahatelo ka 291 sisa nahatratra hatramin’izao fotoana famaranana sy nandraisana ny mari-pahaizana ho mpitsabo izao. Mbola misy ny fidirana amin’ny andiany faharoa (interne) ka roa taona indray ny faharetan’ny fianarana mialoha ny fanaovana ny thèse. Nohitrikitrihin’ny ray mpiahy ny andiany Tafika, Profesora Randriamarotia Harilalaina Willy Soavina, fa mitady fitiavana, finiavana fikirizana ny asa fitsaboana. Mila mpitsabo mahay mampitsiky sy manome fanantenana ho azy ny marary. Ny marary no andrianina sy hajaina, hanamora ny fandairan’ ny fanafody atao aminy. Ny fahitan’ny marary ny mpitsabo eo anilany dia maha be fanantenana ho azy fa ho sitrana.
Sajo
French