Nanomboka ny fizarana jiro “Hazavana ho anao” any amin’ny faritr’i Mahajanga, amin’izao fotoana izao. Nosantarina omaly ny hetsika fizarana izany, tamin’ireo fokontany valo ao anatin’ny faritra. Notanterahina tao amin’ny kianja ao amin’ny Complexe Sportif Ampisikina, ny fizarana. Miisa 21 279 ireo jiro mandeha amin´ ny herin´ny masoandro miaraka amin’ny kojakoja nozaraina ireo. Tokony hahay hikajy sy hanaja ireo fanomezana ny isan-tokantrano tsirairay avy nisitraka izany, raha ny hafatra avy amin’ny iraky ny governemanta nandritra ny fizarana. Tolotra avy amin’ny Filoham-pirenena ny nahafahana nanao ny fizarana ho an’ireo mponina any an-toerana. Nitarika ny fizarana izany ireo tomponandraikitra maro samihafa. Anisan’izany, ny minisitry ny Tanora sy ny fanatanjahantena, ny avy amin’ny minisiteran’ny Fampianarana ambony sy ny fikarohana ara-tsiansa ary ny minisiteran’ny Fampianarana teknika sy ny fanofanana arakasa. Tonga nanatrika izany koa ireo manam-pahefana maro samihafa any an-toerana.
Mino
French