Tratra ny tanjona ho an’ny “Opération Bokiko”. Tia boky ny mponin’Andriampamaky, raha notarafina tamin’ny hetsika momba ny boky sy ny vakiboky notontosaina tany an-toerana, ny faran’ny herinandro lasa teo. Liana voalohany indrindra ireo ankizy mpianatra, izay sambany vao nanao atrikasa momba ny fanoratana. Natomboka tamin’ireo mpianatry ny kolejy ny atrikasa, nifantoka tamin’ny lohahevitra “Sao bevohoka aloha loatra”. Niara-dalana tamin’ny hetsika ny fanentanana “Ndao hamaky boky”, fandaharanasan’ny Tranombokim-pirenena.
Tsy ny ankizy ihany, fa maro koa ireo liana tamin’ny “Alim-betso” nokarakarain’ny Faribolana Sandratra. Poeta efatra no nifandimby niantsa, nahitana an’i Tsitoha Agape, Sandratra Ramarozaka, Endrika Haizana ary Fah Ravelojaona, izay avy ao amin’ ny sampana Anjeva sy Mahajanga. Tanjona manaraka ny famoahana ny bokin’ireo mpikambana raha ny nambaran’ny filohan’ny “Opération Bokiko”.
Zo ny Aina
French