Voasambotry ny zandary avy ao amin’ny poste fixe Ambohimamory Itaosy, ny tontakely roa lahy nangalatra fanitso, tao amina tokotanin’olona, omaly. Niditra an-keriny tao amin’ny faritry ny tambohon’olona izy roa lahy ireto naka ireo fanitso. Efa nafatratr’izy ireo tanaty gony izany no nisy nahatsikaritra tampoka ny fihetsik’izy ireo nibata izany. Niantso zandary haingana ireo olona teo an-tanàna, fotoana fohy taorian’izay, tonga ny zandary. Noraisim-potsiny ry zalahy niaraka tamin’ireo fanitso efa nafatratra tanaty gony. Nirifatra nitsoaka ihany izy roa lahy saingy nifanome tanana tamin’ny zandary ny fokonolona. Tsy lasa alavitra dia tratra. Nentina nanaovana famotorana eny amin’ny biraon’ny zandary izy roa lahy. Nanamafy ny zandary fa tsy maintsy faizina sy anarina izy ireo satria vao 13 taona monja ny iray amin’izy roa lahy ireo.
J.C
French