Nokapain’ny olon-dratsy antsibe teo amin’ny tavany, simba tanteraka ary namoy ny ainy ny lehilahy iray mpivarotra amina tranombarotra tao amin’ny fokontany Ivoloina, kaominina Antetezambaro, kaominina Toamasiana II, ny sabotsy 23 novambra lasa teo. Nihazo ny sahany io lehilahy io talohan’ny handehanany hivarotra. Narahin’ny tsy mataho-tody avy aoriana anefa izy. Tsy nanampo na inona na inona rahateo ity lehilahy lasibatra ity. Nanararaotra ny toerana mangingina tao anatin’ny ala, nokapain’ny tsy valahara avy hatrany io mpivarotra io. Nodarohany, voan’ny antsy teo amin’ny tavany ilay lehilahy. Tapitr’aina vokatr’io fahavoazany tafahoatra io ity farany. Araka ny loharanom-baovao, lonilony teo amin’io lehilahy namoy ny ainy io sy ny nahavanon-doza no niteraka izao vonoan’olona izao. Efa fantatra ny nanao ny famonoana saingy eo andalam-pikarohana azy ny fianakavian’ny lasibatra sy ny mpitandro filaminana.
Sajo
French