Nisafidy ny hitodika amin’ireo tanora mpankafy zavakanto ny CGM/ GZ, amin’ny hetsika karakarain’izy ireo manaraka. Hotontosaina ny alahady 1 desambra izao ny “Urban heart”, izay hiditra amin’ny andiany faharoa amin’ity taona ity. Fampiarahana karazan-kanto an-tanàn-dehibe amina toerana an-kalamanjana iray izy ity, ka nosafidiana manokana ny zaridainan’Anosy hanatontosana izany. Ho tafaraka ao amin’ity toerana ity ny slam, ny karazan-dihy ankehitriny, ny fanatanjahantena mahasahisahy ary ny mozika, mazava loatra.
Hanomboka amin’ny 10 ora sy sasany maraina dia efa hampiditra anatin’ny hetsika ireo mpikosoka kapila notsongaina manokana. Hifandimby an-tsehatra kosa aorian’izay ry Bolo, Wada sy young’s, Berriz’Jah, Fitia, Krutambull ary i Geoscar. Hiandraikitra ny slam i Bary Benson ary eo amin’ny Beat Box kosa ry Kelly Xest sy CTS. Haneho ny dihy ankehitriny ry Angeluc Rehava, Vixens ary ny Kapoïera. Haneho ny talentany mandritra ny fotoana koa ry zareo avy ao amin’ny Parkour Mada, Vikina Xtrem, Trial, eo amin’ny karazam-panatanjahantena mahasahisahy sy feno fampisehoana. Mazava loatra fa maimaimpoana ny “Urban Heart”.
Zo ny Aina
French