Nivarina any amin’ny laharana fahadimy ny ekipan’ny Manchester City, amin’ny fiadiana ny ho tompondakan’i Angleterre “Premier League”, taranja baolina kitra. Tsiahivina fa resin’ny Liverpool tamin’ny isa 2 no ho 0 izy ireo, omaly. Ny ekipan’ny Liverpool izay mitana ny laharana voalohany amin’ity fifanintsanana ity.
Nahazo fandresena tamin’ny isa 1 no ho 0, ny klioba misy an’i Tendry, Malagasy milalao ao amin’ny Enppi Sporting Club, ny alahady lasa teo. Teo amin’ny minitra faha-77 moa izy no niakatra an-kianja. Tsiahivina fa ity no lalao voalohany niarahany tamin’ity ekipa vaovao ity.
Hotanterahina ny 20 desambra izao, eny amin’ny Kianja mitafon’Ankorondrano, ny fiadiana ny amboaran’i Madagasikara, taranja Judo, sokajy Vétérans. Ny 21 sy 22 desambra kosa no hanaovana ny sokajy Minimes, Cadets, Juniors ary Seniors. Fifaninanana hamaranana ny taona ho an’ity taranja ity.
French