Nidona tamin’ny kamiao : Mpitondra moto maty tsy tra-drano

Namoy ny ainy vokatry ny ratra nahazo azy nateraky ny lozam-pifamoivoizana ny raim-pianakaviana iray tao Toamasina, omaly.

Mpandraharaha iray ao amin’ny faritra Atsi­na­nana matin’ny lozam-pifamoivoizana, tao Cité Valpinson, tampon-tanànan’i Toamasina, omaly tolakandro tamin’ny 1 ora sy sa­sany. Nandeha moto io raim-pianakaviana io. Nifa­nindry an-dalana taminy anefa ny kamiao lehibe iray. Tsy nisy nanampo na inona na inona ny mpamily io fiarabe io sy ilay mpitondra moto. Mifa­mezivezy amin’io toerana io ny posiposy io. Naha­tsiaro tena ho voatsemba­tsem­bana, niala ny posy tao amin’ ny an-kavanany ka namily izany ny mpitondra kamiao. Nisy moto anefa tao amin’ny an-kavanan’io fiarabe io. Tsy hitan’ny mpamily ity farany ilay nitaingina kodiaran-droa ka voafaoka. Nianjera tamin’ ny arabe, tafiditra tao amin’ny kodiarana aoriana havanan’ny kamiao ny lohan’ny moto. Maty tsy tra-drano ilay nitondra azy. Nanao taingin-droa izy ireo, araka ny fanampim-panazavana voaray.
Mateti-pitranga

Vao omaly, mpianatry ny CEG iray niharan’ny lozam-pifamoivoizana tao Toamasi­na. Gaboraraka ny fifamoivoizana ao an-toerana ka samy manao izay saim-pantany ny mpampiasa lalana. Mifamezi­vezy tsy misy manaja ny lalan’ny fifamoivoizana izy ireo, araka ny loharanom-baovao. Mitaky fandraisana andraikitra hentitra eo anivon’ny tomponandraikitra ny fisorohana izany. Ankoatra io, ilaina ny fahatsapan-tenan’ny tsirairay samy handray ny anjara tandrify azy manoloana ny fampiasana arabe.

Sajo