TSELATRA

Naiditra eny am-ponja ny sabotsy 7 desambra teo, ireo efa-dahy nanolana vehivavy teny Miadana, kaominina Alasora. Nanamparan’izy efa-dahy filan-dratsy io vehivavy io ary notrobaran’izy ireo vy ny lohany ka tsy nahatsiaro saina.
Maty notifirin’ny olon-dratsy ny talen’ny CEG Amboniakondro Avaratra, kaominina Ambohibary avaratra, distrikan’Anjozorobe, afakomaly. Manjaka ny tsy fandriampahalemana any an-toerana. Manao izay ho afany mamongotra izany ny mpitandro filaminana.
Zaza roa lasan’ny ranomasina tao Toamasina, omaly. Nifamonjen’ny manodidina, avotra soa aman-tsara ny iray saingy mbola nifampitadiavana ny namany.
Manaraka fitsaboana ao Ihosy, ireo olona 17 nilatsaham-potaka, tao Nagnarena, Fokontany Amiary Fagnatoliza, Kaominina Satrokala. Niharam-boina ny zoma 6 desambra teo izy ireo. Zaza ny 14 raha toa ka olon-dehibe ny telo.