Hanomboka amin’ny alakamisy 12 izao, hatramin’ny 16 desambra, ny lavanty ampahibemaso ao amin’ny orinasa SMMC sy MICTSL, ao amin’ ny seranan-tsambon’i Toamasina. Karazany maro ny hamidy amin’izany, ahitana fiara, entana anaty kaontenera karazany 113, ka manomboka amin’ny 10 000 Ar ny tombana hatramin’ny 1 miliara Ar. Nilaza ny lehiben’ny fadintseranana Toamasina, Rakotonirina Hery André, fa feno ny toeram-pametrahana entana sady tapitra ny fe-potoana azo hitahirizana azy ao amin’ny SMMC sy ny MICTSL, ka tsy maintsy miroso amin’ny lavanty ampahibemaso, araka ny voafaritry ny lalàna.
Natsangana ny vaomiera manokana, ahitana vadintany, ny Maître Randrianorosoa José, ny SMMC, ny MICTSL, ny ladoany… hisoroka ny kolikoly sy hanara-maso ny fepetra noraisina. Toy ny nampiakarana ny vola fiandry (caution) arotsaka any amin’ny banky, ka tsy averina raha toa tsy tapa-kevitra hividy indray ny olona liana. Misy koa fepetra manokana hisorohana ireo mpijirika na mpanelanelana.
Sajo sy Njaka A.
French