TSELATRA

Hotanterahina anio, eny amin’ny sekoly ambonin’ny Polisim-pirenena Ivato (ENSP), ny famindram-pibaikoana eo amin’ny kaomandin’ny sekoly. Hivoaka ihany koa ireo mpianatra ho manamboninahitra sy kaomisera. Hanome voninahitra ny lanonana sady hitarika izany ny filoha faratampon’ny Foloalindahy, Rajoelina Andry, sy ny Praiminisitra lehiben’ny governemanta, Ntsay Christian.
Lasan’ny jiolahy ny vola 10 tapitrisa Ar mahery an’ny mpanao Cash point iray ao Bazarikely Toamasina, omaly. Tamin’ny alalan’ny hosoka fandefasana vola tamin’ny finday no nahazoan’ireo olon-dratsy ny vola. Mitohy ny fikarohana ireo olon-dratsy. Anisan’ireo faritra ahitana fisolokiana sy fanafihana Cash point ny ao Toamasina.