Natao tao an-tampon-tanànan’i Toliara indray ny hetsika fampahafantarana ampahibemaso ny fisokafan’
ny Base Toliara, ny alarobia 18 desambra teo, taorian’ny tany amin’ny kaominina Ankilimalinike. Nohamafisin’ny talen’ny Serasera sy ny fifandraisana amin’ny rafi-panjakana, Mahafaritsy Samuel, fa tohizana ao anatin’ny 14 volana ny asa sosialy, ny fanonerana ara-bola ny tompon-tany sy fasana hafindra. Notsipihiny fa laharam-pahamehana ny fampidirana mpiasa ny mponina eny ifotony. Maherin’ ny 3 000 ny mpiasa mivantana sy tsy mivantana ary ankolaka ateraky ny tetikasa, mandritra ny fananganana ny fotodrafitrasa sy ny fitrandrahana. Tanjona ny ho mpiasa vahiny iray amin’ny Malagasy 1 000 ato anatin’ny 10 taona. Nahafahana nanatsara ny tombontsoa iraisana eo amin’ny fanjakana sy ny orinasa ary indrindra ny mponina eny ifotony izay 5 taona nampihantoana ny Base Toliara izay. Tsiahivina fa mitentina 700 tapitrisa dolara ny fampiasambolan’ny Base Toliara. Ity orinasa ity no orinasa mitrandraka harena an-kibon’ny tany vaventy fahatelo eto amintsika. Hisarika ny mpampiasa vola vahiny hafa ho avy aty Madagasikara izany. Nanolotra vary 350 gony ho an’ireo mponina any amin’ny fokontany miisa 24, voakasiky ny tetikasa ny orinasa Base, ny alakamisy teo, ho endrika «nofon-kena mitam-pihavanana », amin’izao fetin’ ny faran’ny taona izao.
Njaka A.
French